Искрено, се прашував извесно време, што и текнало на Џесика Алба да сними ваков филм кога беше на навистина добар пат да стане посериозна и почитувана глумица.  Едноставно не ми беше јасен концептот на нејзиниот менаџер што дозволил да се појави во еден ваков проект.  Ги читавме по весниците изјавите од типот не сакам повеќе да ме гледаат само како секс симбол, талентот пред се и слично, ја гледавме на црвениот тепих во Кан покрај големите глумци и поверувавме дека и оваа девојка пораснала и ќе покаже нешто навистина квалитетно, но изборот на ваков филм не укажува на никаква актерска зрелост.

Comments (5)

Уште на почетокот ќе ви кажам, новиот Индијана Џонс е добар!  Нема непотребно да го споредувам со претходните делови и ви препорачувам и вие да не тргнувате со онаа предрасуда дека секое ново продолжение на некој мега популатен филм е полошо од претходното.  Зошто во споредба со било кој ваков авантуристички филм кој излегол во последно време, овој е одличен, можеби и најдобар.

Comments (4)

Еротскиот трилер “Импулс”е виновен за залудно трошење на талентот на актерите на веќе видена приказна и неинспиративно сценарио, но ако тоа не ви пречи тогаш ќе поминете скоро два часа гледајќи добра глума, таинствена еротска игра и преубавата Вила Форд. Приказната во филмот се врти околу една успешна, убава, паметна и талентирана жена. Таа е мажена за постар тип кој работи како психијатар и професор и кој вистински и искрено ја сака. И таа го сака со целото свое срце, но единствен проблем е што тој не успева да ја задоволи нејзината страст. Затоа, таа му предложува еротска игра во која тој ќе биде Роберто, а таа Луџија, а сето тоа, со цел да го зачинат нивниот сексуален живот.

Comments (2)